Эх дэлхийгээ хамгаалах үйлст Монголчууд... 
 

•  Олон улсын залуучуудын 350 хөдөлгөөнөөс дэлхий дахины анхаарлын төвд буй тулгамдсан асуудлын нэг болох уур амьсгалын өөрчлөлтийн эсрэг авах арга хэмжээ болгон 2009 оны 10 Сарын 24-нийг “350 Уур амьсгалын Олон Улсын Өдөр ” болгон санаачилсан билээ. Энэхүү хөдөлгөөний гол арга хэмжээ нь мөн өдөр Нью Иорк хотын Тайм скверт НҮБ-ын байрны өмнө зохиогдох ба дэлхийн 150 гаруй оронд ижил арга хэмжээ зохигдох юм.

• 350 гэж юу вэ? Энэ бол хүн төрөлхтөн аюулгүй амьдрахад шаардагдах  агаар мандал дахь нүүрстөрөгчийн саяд байх хэмжээ болохыг эрдэмтэд тогтоосон. Харин одоо эх дэлхийд маань 385 ррм  буюу ауюлгүй хэмжээнээс аль хэдийн даваад байгаа нь бидний сэтгэлийг түгшээж байгаа билээ. Тэгвэл 350 ррм болтол бууруулахын тулд бид юу хийх ёстой вэ? 
• Уур амьсгалын өөрчлөлт, агаарын бохирдолд өртөж байгаа улс орны тэргүүн эгнээнд яваа монголчууд энэ өдөр дэлхий дахинтай мөр зэрэгцэн тэмцэлд нэгдлээ. Учир нь агаарын бохирдол, дэлхийн дулаарлыг хамгийн ихээр мэдэрч байгаа орны нэг нь Монгол улс. Хүн Төвтэй Байгаль хамгаалал ТТБ болон "Ногоон дэлхий клуб"-н гишүүн сэтгүүлчид 10-р сарын 24-ны өдөр дэлхий дахинаа өргөсөн "-350" хөдөлгөөнийг дэмжиж, хамтран Булган аймгийн Булган хотод ажилласан юм. 
• Удирдагчдад хүргэх зурагт хуудсыг Булган нутгаас илгээлээ. "Их 20"-н уулзалтад монгол орноос хүргэх зурагт хуудас илгээх ажилд Булган аймгийн Б.Энх-Амгалан ахлагчтай "Булган хөгжил" төвийн дэргэдэх "Бүтээлч ирээдүй" эко-клубын хүүхдүүд оролцсон юм. Энэ төвийн хүүхдүүд орон нутгийнхаа нөөц бололцоонд тулгуурлан олон нийтийн оролцоотойгоор байгалийнхаа экологийн тэнцвэрт байдлыг хадгалахад тодорхой хувь нэмрээ оруулахаар ажилладаг гэнэ. Түүнчлэн энэ зорилгоо "Бэрхшээл бүхнийг хамтдаа туулж, Биеэсээ дэмжин ажиллана" гэсэн уриан дор явуулдаг аж. Тус хөдөлгөөнийхөнтэй ажиллан, тэднээр хичээл заалгасны дараа хүүхдүүд "Дэлхийн өнцөг булан бүрт байгалийн гамшиг ихээр гарч давтамж нь ойртоод байсны учрыг сая л ойлголлоо. Дэлхий нийтэд өрнөөд байгаа хөдөлгөөн надад хамаагүй биднээс хол хөндийн зүйл огтхон ч биш. Би ч гэсэн энэ гамшгийн эсрэг тэмцэхэд дуу хоолойгоо нэгтгэх хэрэгтэй гэдгийг ойлголлоо хэмээн ярьж байлаа. Ингээд дэлхийд ганцхан монгол гэрийнхээ үүдэнд -350 гэж бичээд удирдагчдад илгээлээ.