Байгаль орчны мэдээлэл харилцааг сайжруулах нь төсөл ГТХАН-н санхүүжилтээр 2009 онд хэрэгжсэн.

Зорилго: Иргэдийн байгаль хамгаалах ухамсрыг дээшлүүлэх үүднээс тэднийг чиглүүлэх, иргэдийн байгаль хамгаалах үйл явцыг шийдвэр гаргах түвшинд идэвхитэй оролцуулах зорилгоор FM радиогоор шууд хэлэлцүүлгийг явуулах

Төслийн үр дүнгээс: Зорилгоо биелүүлэх үүднээс бид FM радио 105,5-тай хамтран “5 мод” нэвтрүүлгийг 7 хоногт 3 удаа Улаанбаатар хотод шууд явуулсан. Энэхүү төслийн хүрээнд бид нар Ой мод ба зэрлэг ан амьтад, цөлжилт, ус, агаар, уур амьсгалын өөрчлөлт гэсэн сэдвийн хүрээнд ярилцаж мөн энэхүү сэдвийн хүрээнд ажилладаг судлаач, эрдэмтдийг урьж сүүлийн үеийн мэдээллийг сонсогчдод хүргэж байсан юм. Энэхүү төслийн хүрээнд маш олон хүмүүс бидэнтэй холбогдож талархалаа илэрхийлж байсан юм.

"Орон нутгийн байгууллагыг чадавхижуулж байгаль хамгаалал болон орон нутгийн тогтвортой амьжиргааг хангахын тулд оролцогч талуудыг чадавхижуулах" төсөл

Төсөл хэрэгжсэн газар: Архангай аймгийн Цэнхэр сум, Өвөрхангай аймгийн Бат-Өлзий сум, Баянхонгор аймгийн Эрдэнэцогт сум

Хэрэгжүүлэх үйл ажиллагааны төлөвлөгөө

• Төлөвлөгөөний үйл ажиллагааг оролцооны аргаар боловсруулж гарын авлага гаргах
• Тусгай хамгаалалттай газар нутаг дахь иргэдийн нөхөрлөлийн асуудлыг шийдвэрлэх
• Нөхөрлөлийн бэлчээрийн менежментийг боловсронгуй болгох Уул уурхай иргэдэд хэр нөлөөлж байгаад үнэлгээ хийх

Төслийн үр дүнгээс

• ТХГН-н менежментийн ОБТ гаргах гарын авлага боловсруулж БОАЖЯнд өгсөн
• Хаягдал модыг ашиглан бүтээгдэхүүн хийх сургалт зохион байгуулсан
• Хамтын оролцооны ойн менежментийн үндсэн ойлголт болон энэхүү үзэл баримтлалын талаарх сургалтыг зохион байгуулсан
• Суврага Хайрханы улсын тахилгын талаарх баримтат кино бүтээсэн
• Цэнхэр суман дахь уул уурхайн асуудлын талаарх үнэлгээг орон нутгийн иргэд, бусад оролцогч талуудтай хамтран хийсэн
• Аялал жуулчлалаас болж Цэнхэр сумын халуун ус хэрхэн өөрчлөгдөж байгаа болон хэрхэн хамгаалах талын үнэлгээ хийн цаашдын менежментийн талаарх зөвлөгөөнийг зохион байгуулсан
• Эрдэнцогт суманд жижиг дунд бизнесийг хөгжүүлэх үүднээс сургалтыг зохион байгуулсан

•  Conservation Ink, Дэнвэрийн амьтны хүрээлэнтэй хамтран Дорнод монголын бүс нутагт Байгаль хамгаалах Нүүдэлчин хайрцаг хөтөлбөрийг 2007 оны 4 сараас 9 сар хүртэл хэрэгжүүлсэн. 

• Германы Техникийн Хамтын Ажиллагааны Нийгэмлэгийн санхүүжилтээр хэрэгжсэн Байгалиа хамгаалж амжиргаагаа дээшлүүлэхэд нутгийн иргэдийн байгууллагыг чадавхижуулж оролцогч талуудын хамтын ажиллагааг сайжруулах” төслийн 1-р үе

• Цаачин иргэдийн ирээдүйн төсөөлөл болон хөгжлийн зөвлөлгөөний хэлэлцүүлгийн хөтөч

• "Газрын доройтол болон амьжиргааны хоорондын уялдаа холбоо-хамтрагч талуудыг оролцооны аргаар судалсан судалгаа" НҮБ-н хөгжлийн хөтөлбөрийн газрын тогтвортой менежмент төсөл

• Бид Германы Техникийн Хамтын Ажиллагааны Нийгэмлэгийн санхүүжилтээр хэрэгжсэн “Байгаль хамгаалал, байгалийн нөөцийн тогтвортой менежмент” хөтөлбөрийн говийн хэсгийг авч хэрэгжүүлсэн